Buyant-Ukhaa Airshow 2026
BU
Airshow
Монгол Улсын нисэхийн салбарын үйл ажиллагааг сурталчлан таниулах, салбар хоорондын хамтын ажиллагааг өргөжүүлэх зорилгоор “Буянт-Ухаа” олон улсын нисэх буудлын хөөрч буух зурвасын перрон талбайд олон нийтэд нээлттэй тусгай хөтөлбөрт арга хэмжээг уламжлал болгон зохион байгуулдаг.
Арга хэмжээний танилцуулга
Нисэх, технологи & олон нийтийн арга хэмжээ
“Буянт-Ухаа Эйр Шоу” арга хэмжээ нь Монгол Улсын нисэхийн салбарын үйл ажиллагааг сурталчлан таниулах, салбар хоорондын хамтын ажиллагааг өргөжүүлэх зорилгоор олон нийтэд нээлттэй зохион байгуулагддаг тусгай хөтөлбөрт арга хэмжээ юм.
Тус арга хэмжээ нь 2022 оноос эхлэн жил бүр зохион байгуулагдаж байгаа бөгөөд жил бүр өөрийн онцлог хөтөлбөртэйгөөр олон нийтэд хүрдэг. Тухайлбал, 2023 онд Монгол Улсын Батлан хамгаалах яамны баг тамирчид МиГ-29 загварын сөнөөгч онгоцоор, 2025 онд ОХУ-ын алдарт “Стрижи” баг МиГ-29 загварын сөнөөгч онгоцоор уран нислэгийн үзүүлбэр толилуулсан билээ.
2026 оны арга хэмжээ нь Монгол Улсад “Нисгэгчгүй нисэх хэрэгсэл жолоодлогын аварга шалгаруулах олон улсын тэмцээн”-тэй зэрэгцэн зохион байгуулагдаж байгаагаараа онцлог бөгөөд нисэхийн салбар, дрон технологи, олон нийтийн хөтөлбөр, соёл урлаг, танин мэдэхүйн арга хэмжээг нэг дор цогцлоох болно.
Үзэгчдэд зориулсан мэдээлэл
Арга хэмжээний мэдээлэл
Хугацаа
2026 оны 05 дугаар сарын 30–31
болох газар
Буянт-Ухаа нисэх буудлын перрон талбай, Хан-Уул дүүрэг, Улаанбаатар
Үзэгчид
Олон нийт, гэр бүл, хүүхэд залуус, оюутан сурагчид, нисэхийн салбарыг сонирхогч иргэд, олон улсын зочид, хэвлэл мэдээлэл болон технологи сонирхогчид
Хөтөлбөрийн төрөл
Агаарын шоу, нисэхийн үзэсгэлэн, нисгэгчгүй нисэх хэрэгслийн технологийн танилцуулга, олон нийтийн фестиваль, урлагийн тоглолт болон технологийн үзүүлбэр
Алсын хараа
Олон улсын хамтын ажиллагаа ба нисэхийн хөгжил
Монгол Улсын иргэний нисэхийн салбар нь “Буянт-Ухаа Эйр Шоу” арга хэмжээгээр дамжуулан олон улсын нисэхийн салбарын байгууллагуудтай хамтран ажиллах, харилцан туршлага солилцох, тэргүүн туршлага, технологийн хөгжил дэвшлээс суралцах, хамтын ажиллагааг өргөжүүлэхийг зорьж байна.
Зорилго
Нисэхийн салбарыг олон нийттэй холбох
Нисэхийн салбарт үйлчилгээ эрхэлдэг агаарын тээвэрлэгч болон бусад байгууллагуудыг нэг дор төвлөрүүлж, тэдгээрийн үйл ажиллагаа, хөгжил дэвшил, техник технологийн шийдлийг олон нийт болон олон улсын зочид, оролцогчдод сонирхолтой, хүртээмжтэй хэлбэрээр сурталчлан таниулахыг зорьж байна.
Үндсэн хөтөлбөрүүд
Үзэгчид юу үзэж сонирхох вэ сонирхох вэ
01
Нислэгийн үзүүлбэр, агаарын шоу
Олон нийтэд зориулсан нислэгийн үзүүлбэр болон агаарын шоу.
02
Агаарын хөлгийн танилцуулга
Нисэхийн техник, тоног төхөөрөмж, агаарын хөлгийн төрөл, зориулалт болон техникийн шийдлийн танилцуулга.
03
Нисгэгчгүй нисэх хэрэгслийн технологийн үзэсгэлэн
Нисгэгчгүй нисэх хэрэгсэл, дрон технологи, дагалдах хэрэгсэл болон худалдааны хэсэг.
04
Агаараас эрэн хайх, аврах ажиллагааны үзүүлбэр
Онцгой нөхцөл байдлын үед агаараас эрэн хайх, аврах ажиллагааны чадавхыг харуулсан үзүүлбэр.
05
Урлагийн хөтөлбөр
Үндэсний урлаг, тайзны тоглолт, DJ шоу болон олон нийтэд зориулсан урлагийн хөтөлбөр.
06
Хоол хүнсний үйлчилгээ, хоолны фестиваль
Хоол үйлдвэрлэл, худалдаа, үйлчилгээ эрхлэгчдийн олон төрлийн хоол, хүнсний үйлчилгээ.
07
Хүүхэд, залуучуудад зориулсан хөтөлбөр
Хүүхэд, залуучуудад зориулсан танин мэдэхүйн болон гэр бүлийн хөтөлбөр.
08
Үдшийн цэнгүүн / Drone Show
Орчин үеийн DJ сэт шоу, хамтлаг дуучдын уран бүтээл болон шөнийн “Drone Show” үзүүлбэр.
2026 оны 05 дугаар сарын 30–31
Airshow ХӨТӨЛБӨР
Нам өндрийн форум
Нам өндрийн нислэг, нисэхийн үйл ажиллагаа болон холбогдох салбарын хөгжлийн талаар хэлэлцэх форум.
Нээлтийн үйл ажиллагаа
“Буянт-Ухаа Эйр Шоу 2026” олон нийтэд зориулсан хөтөлбөрийн албан ёсны нээлт.
14:30–16:30
Урлагийн хөтөлбөр
Үндэсний урлагийн их театрын үзүүлбэр, Цэргийн дуу бүжгийн эрдмийн чуулгын урлагийн тоглолт.
МиГ-29 сөнөөгч онгоцны үзүүлбэр
МиГ-29 онгоц өндөр хурд, огцом өгсөлт, эргэлт, уналт, тусгай маневруудыг дараалсан байдлаар гүйцэтгэж, агаарын тулаанд ашиглагддаг хөдөлгөөнүүдийг үзэгчдэд сонирхолтой, сэтгэл хөдөлгөм хэлбэрээр толилуулна.
Агаарын хөлгийн танилцуулга
Агаарын тээвэрлэгч байгууллагуудын ашиглаж буй агаарын хөлгүүдийг нисэх буудлын перрон талбайд байрлуулан, иргэд олон нийтэд хөлгийн төрөл, зориулалт болон техникийн шийдлийн талаар мэдээлэл өгч танилцуулна.
Шүхрийн үзүүлэн тоглолт
Агаарт нарийн ур чадвар, багийн зохион байгуулалт, аюулгүй ажиллагааны гүйцэтгэлийг олон нийтэд сонирхолтой хэлбэрээр харуулсан шүхрийн үзүүлэх тоглолт.
DJ сэт хөтөлбөр
Хөтөлбөр эхлэхээс хаах хүртэл тасралтгүй үргэлжилж, олон нийтэд хөгжмийн хэмнэл, уур амьсгалыг бүтэн өдрийн турш хүргэнэ.
14:00–15:30
Агаараас эрэн хайх, аврах үзүүлбэр
Агаараас эрэн хайх, аврах ажиллагааны үзүүлбэр нь онцгой нөхцөл байдлын үед нисэхийн аврах баг хэрхэн түргэн шуурхай ажиллагаа зохион байгуулж, осолдсон болон тусламж шаардлагатай хүмүүсийг агаараас илрүүлэн аврах ажиллагааг гүйцэтгэж буйг олон нийтэд танилцуулна.
Нисгэгчгүй нисэх хэрэгслийн жолоодлогын тэмцээн
Ерөнхийлөгчийн ивээл дор зохион байгуулагдах нисгэгчгүй нисэх хэрэгсэл жолоодлогын аварга шалгаруулах тэмцээн.
15:00–15:30
Эрэлч нохойн тоглолт
Иргэний нисэхийн аюулгүй байдлын ажил, үйлчилгээний хүрээнд эрэн хайх, аюулгүйн хамгаалалтын үүрэг гүйцэтгэдэг эрэлч нохойн үзүүлбэр. Үзүүлбэрийн үеэр тэсрэх бодис илрүүлэх, саад хэрэглэлд ажиллах зэрэг даалгаврыг эрэлч нохой гүйцэтгэн үзүүлнэ.
Нисгэгчгүй нисэх хэрэгслийн үзэсгэлэн, худалдаа
Нисгэгчгүй нисэх хэрэгслийн үзэсгэлэн, худалдааг зохион байгуулж, олон төрлийн дрон болон тэдгээрийн дагалдах хэрэгслийг танилцуулан худалдаална.
Open Mic
Хүн бүрд нээлттэй, өдрийн турш чөлөөтэй зохион байгуулагдаж, оролцогчид өөрсдийн урлагийн үзүүлбэрээ олон нийтэд толилуулах нээлттэй тайзны арга хэмжээ.
Агаарын хөлгийн газрын техник үйлчилгээний танилцуулга
Газрын тусгай үйлчилгээ болон шатахуун хангалтын албаны автомашин, техник, тоног төхөөрөмжүүдийг байршуулж, инженер, техникийн ажилтнууд үйл ажиллагааны танилцуулгыг олон нийтэд биечлэн хүргэнэ.
Агаарын бөмбөлөг хөөргөх
Агаарын том бөмбөлгийг тогтмол байрлуулан, хүүхэд, залуучууд сонирхон үзэж, дурсгалын зураг авах боломжтой орчин бүрдүүлнэ.
Хоол үйлдвэрлэл, үйлчилгээ
Үйлчлүүлэгч, олон нийтэд тусгай зөвшөөрөлтэй хоол үйлдвэрлэл, худалдаа, үйлчилгээ эрхлэгчид олон төрлийн хоол, хүнсний бүтээгдэхүүнийг нэг дор танилцуулж, үйлчилгээ үзүүлнэ.
16:00–17:00
Циркийн тоглолт
Монголын циркийн тайзны урлагийг нэгтгэсэн, үзэгчдэд сонирхолтой, хөгжөөнтэй уран бүтээлийн тоглолт толилуулна.
Хүүхдийн тоглоомын үйлчилгээ
Ногоон зүлэг, сүүдрэвч бүхий хүүхдийн тоглоомын хэсэгт бүх насны хүүхдэд зориулсан олон төрлийн тоглоом байршуулж, гэр бүлийн амралт, чөлөөт цагийг өнгөрүүлэх боломжтой үйлчилгээ үзүүлнэ.
3x3 сагсан бөмбөгийн тэмцээн
Эйр шоу арга хэмжээний нэрэмжит 3x3 сагсан бөмбөгийн аварга шалгаруулах тэмцээн болно.
Үдшийн цэнгүүн / Drone Show
Урлагийн хөтөлбөрийн хүрээнд орчин үеийн DJ сэт шоуг зохион байгуулж, хамтлаг дуучдын уран бүтээлийг олон нийтэд толилуулна. Түүнчлэн шөнийн “Drone Show” үзүүлэх тоглолт болно.
ЗУРГИЙН ЦОМОГ
